Турпала вахарцара ийс ди
Ло:Тохкаш нийсбаь лустам Турпала вахарцара ийс ди — гӀалгӀай йоазонхочо Заьзганаькъан Хьусена Бахьаудина язъяь повесть. Цун белхаех эггара лоадамегӀа лоархӀаш я.
| Турпала вахарцара ийс ди | |
|---|---|
| Девять дней из жизни героя | |
| повеста 1973 шера кепатохара беттагарга сурт повеста 1973 шера кепатохара беттагарга сурт | |
| Жанр | тархьара повесть |
| Яздаьр | Заьзганаькъан Бахьаудин |
| Оригинала мотт | гӀалгӀай, эрсий |
| Юххьашха кепатеха таьрахь | 1964 |
| Издательство | Нохч-ГӀалгӀай кинижкий зарбанче |
Юххьанца араяьнна хиннай 1964 шера цхьатарра Москве а Шолжа-ГӀалий тӀа а. Паччахьалкхен нанагӀалий тӀа из арадаьнна хиннад эрсий меттала, республика нанагӀалий тӀа — гӀалгӀай меттала. ТӀехьагӀа массайттаза цунна кепа йийттай тӀехьа тӀадоагӀача шерашка. Масала, 1982 шера из юха а арадаьннад Шолжа-ГӀалий тӀа эрсий меттала, хӀаьта 1996 шера цунна кепа теха хиннай Саратове[1].
Повеста тӀа дувцар да, исбахьален оагӀорахьара хоздаь, бокъонца хинна хӀама; революци йоаккхаш а Россе хиннача бӀорахой тӀема шерашка а баьха, бокъонца вахаре хинна нах. Цар цӀераш а тайпан цӀераш а хийцаяц йоазанхочо. Повеста керттера турпалаш ба СурхотӀа ваьха боккъонца хинна вола Налганаькъан Мандреи цун воӀ Борахани[1].
Повесть язъяь вола Хьусена Бахьаудин мотт говза, дика ховш йоазанхо хиннав. Цхьан юкъа СурхотӀарча ишколе болх а беш, повеста лаьрхӀа мел дола хӀама гулде таро йолаш хиннав. Ше Налганаькъан найц волаш, Мандречо леладаь хӀамаш хьадувцаргдола нах бовзаш хиннав[1].
Мандре а, цул тӀехьагӀа Борахан а ваьха ков хӀанз а СурхотӀа долаш да. СурхотӀарча аьлен дӀатӀехваьлча, аьленна юххегӀолла аьрда оагӀорахьа хьалвахача доалл из. Мандречо ший нана Мии дӀаелла хинна боарз а ба цу коа, къаьнача Ӏажашта а бӀарашта а кӀалха. Цун коанаӀаргара Ӏодоладенна аьли юртарча маьждигага Ӏокхоач, цу моттигашка тебаш, хьулалуш, дов даьд ший юрт яккха баьхкача моастагӀашта къаман турпала. Тахан ГӀалгӀайче ишколашка 9-ча классе Ӏомадеш да повеста цхьадола доакъош[1].
Белгалдаккхар
тоаде- ↑ 1,0 1,1 1,2 1,3 Ӏарчакханаькъан С., 2024, мазаоагӀув.
ТӀатовжамаш
тоаде- Ӏарчакханаькъан Сали. Даьхен лорабой кхебу йоазув (inh) // Сердало : газет. — 2024. — тушола 29 дийнахьа.