Йовлой Довта Хучбар

Йовлой Довта Хучбар — гӀалгӀай оалама турпал ва; юкъерча бӀаьшерашка цхьан юкъа хинна гӀалгӀай къаман бӀунбаьчча (довтбий).

Йовлой Довта Хучбар
Дезал	Да́ — Йовлой Довт
Звани	довтбий
Леладу гӀулакх	баьчча

Тохкамаш

Хучбар вувцаш бола оалам 1975 шера дӀаязбаь хиннаб гӀалгӀай советий Ӏилманхо-фольклорист хинна волча Дахкилганаькъан ИбрахӀима.

Оаламгахьа

Хучбар Йовлой Довта воӀ ва аьнна хьоахаву оаламгахьа. Цига дувц, моцагӀа ГӀалгӀай мехка моастагӀий боккха бӀу бена хиннаб яхаш. Геттара къиза хиннаб уж яхаш дувц. Хьа а баьхка хӀанзарча СурхотӀе уллача моттиге уж сайцача хана, ГӀалгӀай лоам, боккхийча наха Мехк-Кхел оттаяьй. Цу ханашка, моастагӀчунна духьале е езача хана гӀалгӀай къаман хержа бӀунбаьчча волаш Йовлой Довт хиннав йоах. Цу гулламе из а хиннав. Боккхийча наха цунга аьннад къаман бӀунна юха а хьалхаотта аьнна. Амма из эттавац, ха́нна ше воккха а ва, хьалха мо могаш а вац, аьнна. ТӀаккха боккхийча наха Довта воӀ, Хучбар, харжа лаьрхӀад бӀунбаьччалла, ший даьгара цо тӀема исбахьале хьаӀомаяьй аьнна хеташ. Кхы уж юха ца бувлаш, Довта раьза а хинна, берригача гулбенначарна бӀаргагуш ший воӀа, Хучбара, дӀаеннай хӀанззалца шийга хинна баьччан белгало а — фета, ший довт а. Ишта хьахиннав Йовлой Хучбарах гӀалгӀай къаман бӀунбаьчча — довтбий.

Литература

• Сказки, сказания и предания чеченцев и ингушей / И. А. Дахкильгов, А. О. Мальсагов. — Грозный: Чечено-Ингушское книжное издательство, 1986. — 528 с.