Арапхананаькъан Марем
Арапхананаькъан Марем (эрс: Арапханова Марем Ахметовна) — Россе Федерацен Турпал. Из совгӀат цунна деннад 2003 шера Этинга 3 дийнахьа (кхелхачул тӀехьагӀа). ГӀалгӀай Мехка Шолжа шахьара берий беша хьехархо хиннай. Къаман гӀалгӀа я.
| Арапхананаькъан Марем | |
|---|---|
 | |
| Яь таьрахь | 20 бекарга 1963 |
| Яь моттиг | Оалкам, Шолжа шахьаре |
| Кхелха таьрахь | 26 тов 2002 |
| Кхелха моттиг | Галашке, Шолжа шахьар |
| Паччахьалкхе | |
| Леладу гӀулакх | берий бешара хьехархо |
| Да | Хамхой СарӀала Ахьмад |
| СовгӀаташи премеши |
|
Биографи
тоадеЯьй 1963 шера Бекарга 20 дийнахьа Оалкама. 1981 шера ше яьхача йоалла школа яьккхай. 1996 шера денз болх беш хиннай Галашкарча берий беша.
2002-ча шера хиннар
тоаде2002-ча шера сентябрь бутт болалуш Гуржишкахьара ара а баьнна Галашка кхаьча хиннай нохчий тӀемахой тоаба. Бийсан юрта гӀолла дӀай-хьай баха къоал де болабеннаб гӀаьрахой. Царех цхьа тоаба Арапхананаькъан коа чуийккха хиннай. Коа айннача гӀар-татах цӀен-нана хьаара а яьнна тӀемахошка дов деш царга дӀаарадовла яха йолаеннай. ЦӀогӀа хьийкхад цо лоалахошта дӀахозаргдолаш, тӀемахоша лочкъъе аьнна хьаийца хӀамаш хьаяха а гӀерташ.
Сесага цӀогӀарч хеза мáр араваьнна хиннав. Кхалсаго баге ӀотӀакъовларгйолаш къонахá герз тӀахьекха хиннад гӀаьрахоша. Марем лораве дагахьа ший мара духьала Ӏоэттай, цига автомат ялийтай тӀемахочо.
Арапхананаькъан Марема даь гӀулакх бахьан долаш тӀемахой тоаба лáцéи соцаéи аьттув баьннаб. Цар цкъа топ ца йоалийташ сатийна уллаш йола юрт хьаяьккха лаьрхӀа хинна уйла йохаяь хиннай. Ший вахарах хадаш юртарча нáxá кхерам тӀабоагӀалга дӀахайтад цо. Арапхананаькъан Марема цӀий Ӏоухаш ший мараи бераштеи хьалхашка еннай.
ГӀалгӀай мехкдаь Заьзганаькъан Мурата амарца денал дола кхалсаг Россе Федерацен Турпал яха звани еннай.
Указом Президента Российской Федерации N 598 от 3 июня 2003 года за мужество и героизм, проявленные при исполнении гражданского долга, Арапхановой Марем Ахметовне присвоено звание Героя Российской Федерации (посмертно)[1].
Дагалоацам
тоадеБелгалдаккхар
тоаде- ↑ Указ Президента Российской Федерации от 03.06.2003 № 598 «О присвоении звания Героя Российской Федерации Арапхановой М.А.»
- ↑ 20 лет Ингушетии. Первый детский сад в Магасе. Министерство строительства Республики Ингушетия. ТӀеххьара техка хиннад укх дийнахьа: 27.01.2013. Архиве оттадаьд хьалхара хьаста чура укх дийнахьа: 3.02.2013.
- Б. Евлоев. Во имя жизни. журнал «Финансы, экономика, безопасность», №2 (2) (2004). ТӀеххьара техка хиннад укх дийнахьа: 27.01.2013. Архиве оттадаьд хьалхара хьаста чура укх дийнахьа: 3.02.2013.