Царг
Царгаш — дукхагӀа мел долча букъатӀехк йолча дийнатий бага дукхача доакъоех латта тӀехках хьахинна маьже. Цхьадолча чкъаьрашка царгаш иштта къамарга шода чу а йоахк. Царгаш эш даар хьалаца аьннеи, из бага лоаттаде аьннеи, хьокхаде аьннеи, иштта дулхах дажача дийнаташта даар эттӀаде езаш хул, хӀаьта цхьадолча дийнаташка (пилашка, сувсакхаговрашка иштта кхычарга) йола царгаш лорадала аьннеи тӀакхета аьннеи еза — кӀомсараш
Царгаш чкъаьрий плакоиднича чкъорах хьахиннай [1]. хи-тӀоара царгаш хьахилар багара эпителий хобаяларца (эпителия хоборг — эрс: эпителиальная складка) дувзаденна да. Цу хоборгах — «царга пластинка» оал. Эггара цхьалхагӀа йола царга кеп конуса хьисапеяр я, цу тайпара царгаш дукхагӀча чкъаьрийи, хичу-фе дахача дийнатийи, текхадийнатийи я. Дакхадийнатий царгаш кхача хьокхае аьнна эш, цудухьа цар царгий кеп чоалханегӀа я, уж кепага хьежжа екъаш а я (гетеродонтизм): хьалхашкара царгаш, къоахкаш, моляраш (кха́лаш).
Белгалдаккхар
тоаде- ↑ Плакоидная чешуя // Доккха советий энциклопеди : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.