Хамхой Бекмарза Дауд
Хамхо́й Бе́кмарза Да́уд (эрс: Хамхоев Дауд Бекмурзаевич) — гӀалгӀай оазархо, ГӀалгӀай йоазонхой юкъарлон доакъашхо.
| Хамхой Бекмарза Дауд | |
|---|---|
| эрс: Хамхоев Дауд Бекмарзиевич | |
| Ваь таьрахь | 1 тов 1950 (74 шу) |
| Ваь моттиг | Кустаная шахьар, ГӀазакхий ССР |
| БӀорахол |
 СССР →  Россе Федераци |
| Леладу гӀулакх | |
Биографи
тоадеХамхой Дауд ваьв тов бетта 1-ча дийнахьа 1950-ча шера ГӀазакхий мехка Кустанайя шахьаре. Духхьашха де́ша вахав Ӏаьлий-Юртарча ишколе, дешар чакхдаьккхад Экажакъонгий-Юртарча ишколе. Исбахьален йоазонаш де 1967-ча шера волавеннав, де́ша вагӀача хана, хӀаьта байташ кепатеха араяьннай Советий бӀун юкъе бӀул кхоачашдеш волча хана. Эскара газете штатал арахьа вола корреспондент волаш къахьийгад цо. «Ленина никъ» яхача Наьсарен шахьарерча газета тӀа кепатеха араяьннай цун байташ 1969-ча шера. ДӀахо дӀайодача хана цун байташ ӀотӀайийнай «Литературни ГӀалгӀайче», «СелаӀад», «Лоаман Ӏуйре» яхача журналий оагӀонаш тӀа[1].
Кхоллам
тоаде- Байтий гулламаш
• «Даьхен лаьтта» («Земля Отчизны»)
• «Къоаной хьехамаш» («Назидания старейшин»)
• «Уйлаш» («Мысли»)
• «Оаза мукъале» («Свобода голоса»)[2]
• «Лорабелаш барт» («Берегите согласие»)
• «Безама гӀалаш» («Башни любви»)
• «Ба́халба безам» («Пусть живет любовь»)[3].
Белгалдаккхар
тоаде- ↑ Патиев, 2022, оа. 111.
- ↑ Национальная библиотека Ингушетии получила в дар новые поэтические сборники Дауда Хамхоева / «Газета Ингушетия», 11.03.2021.
- ↑ Поэт Дауд Хамхоев передал в дар Национальной библиотеке Ингушетии свои новые книги / «Газета Ингушетия», 20.10.2021.
Литература
тоаде- Патиев Я. Писатели Ингушетии / Сост. проф. И. А. Патиев. — Ростов-на-Дону : ООО «Южный издательский дом», 2022. — 111 с.