Наьсар
Наьсар, Наьсарг е Наьсархий (да) — ГӀалгӀай мехка дода хий. ГӀалмех хьа а даьнна Шолжах кхет. Наьсархий 29 км дӀаьха да[2].
| Наьсар Наьсарг Наьсархий | |
|---|---|
| эрс. Назранка | |
 | |
| Экам | |
| ДӀоахал | 29 км |
| Водоток | |
| Хин корта | ГӀалми |
| • Хьадолалу моттиг | Наьсар-корт |
| • Координаташ | 43°12′47″ с. ш. 44°46′46″ в. д.HGЯO |
| Хин даьрже | Шолж |
| • Кхоачалу моттиг | Дошлакъий-Юрт |
| • Координаташ | 43°15′26″ с. ш. 44°48′58″ в. д.HGЯO |
| Хий дода моттигаш | |
| Хин система | Шолж → Тийрк → Къаспий форд |
| Мата | |
| Регион | Ингушетия |
| Шахьар | Назрановский район |
| ГВР чура код | 07020000212008200003575[1] |
|
|
|
 — хин корта,  — хин даьрже |
|
.svg)
ЦӀи
тоадеНаьсар яхар Ӏилманхоша хьаяхачох на́на яхачунца дувзаденна да. Юхе мел йиса цу моттигацара цӀераш (Наьсаре а, Наьсара аре а) хица ювзаенна я.
Тархьар
тоадеТайп-тайпарча летописни сводашка дувцаш долча Ная хица (эрс: река Ная) гӀалгӀай Наьсар хувтт Ӏилманхоша[3][4]. Цу хи тӀа, цар хьаяхачох, Тевара къаьзи хинна вола Михаил Ярославич вийнав, иштта Даде-Ков яха йохаяь дӀаяьккха хинна йола шира пхье яьлла моттиг гойта белгало а я из[5][6].
Наьсархини Шолжаи бердашта тӀа мустье культурай белгалонаш кораяьй. Шоайле тара дола сийлингаш да уж, палеолита хана цу тайпара мургаш эггара хьалхагӀа 1961-ча шера Любин Петора Валерийс лехад Наьсар-Кертеи Дошалкъий-Юртеи[7]. Мургаш хьадаь материала оттаяь хинна ха вай замал хьалха 40 эзар шу хиннад. Иштта оттадаь хиннад Дошалкъий-Юрта корадаьча кечалаш цигарча кхераех даь хинна хилар — мустье заман чу тӀоговзанчий пхьоале хиннай цига[8].
1781-ча шера Леонтий Штедеро Наьсархих яздаь хиннад цун бердашта тӀа Магаса бур-боарзашта юкъе долхаш хинна бур-боарзаш да аьнна. Иштта, цо хьаяхачох, шовда цӀена хий хиннад Наьсардар, ушала санна бух болаши, ушала бердаши долаш шоашта тӀа яьнна аьргеи кӀотаргаши тӀехьа. Гечув хиннача мара дехьавоаллалуш хиннавац цига[9][10].
Хин реестра дараш
тоадеРоссе паччахьалкхен хин реестра дарашта тӀатайжача Малхбузерча-Къаспий бассейна гома юкъедод Наьсар, хӀаьта цун хин-боахаман дакъа лоархӀ — Эрсечен Гуржехьецара долча гӀайнаш тӀара дола а денна Урсдон яхача додача хих кхетталца дола Тийрк (Ердан ца лоархӀаш). Наьсара додача хин бассейн — Идалеи Тийркеи шинхиюкъа Къаспий форда бассейна дода хиш.
Паччахьалкхен хин реестра чура объекта код — 07020000212008200003575[2].
Белгалдаккхар
тоаде- ↑ Ресурсы поверхностных вод СССР: Гидрологическая изученность. Т. 8. Северный Кавказ / под ред. Д. Д. Мордухай-Болтовского. — Л.: Гидрометеоиздат, 1964. — 309 с.
- ↑ 2,0 2,1 Государственный водный реестр. Назранка (эрс.). textual.ru (тӀакхача вӀаштехьа доаца тӀатовжам — тархьар). Минприроды России (29 тушола 2009). ТӀеххьара техка хиннад укх дийнахьа: 20.12.2018. Архиве оттадаьд хьалхара хьаста чура укх дийнахьа: 29.03.2009.
- ↑ ПСРЛ. СПб., 1913. Т. XVIII. С. 89.
- ↑ ПСРЛ. СПб., 1885. Т. Х. С. 184.
- ↑ Кучкин В.А. Где искать ясский город Тютяков? // Известия СОНИИ.. — Орджоникидзе, 1966. — Т. 2. — С. 172—173, 177.
- ↑ Долгиева М. Б., Картоев М. М., Кодзоев Н. Д., Матиев Т. Х. История Ингушетии. — Ростов-на-Дону: Южный издательский дом, 2012. — С. 111.
- ↑ Любин В.П., Бадер Н.С., Марковин В.И. Первые местонахождения орудий каменного века в ЧИАССР // КСИА. Вып. 92.. — 1962. — С. 121.
- ↑ Очерки истории Чечено-Ингушской АССР.. — Грозный, 1967. — Т. 1. — С. 6.
- ↑ Штедер Л. Дневник путешествия в 1781 году от пограничной крепости Моздок во внутренние области Кавказа // Аталиков В. М. Наша старина.. — Нальчик, 1996. — С. 192.
- ↑ Долгиева М. Б., Картоев М. М., Кодзоев Н. Д., Матиев Т. Х. История Ингушетии. — Ростов-на Дону: Южный издательский дом, 2012. — С. 105.
ТӀатовжамаш
тоаде- Об утверждении государственной программы Республики Ингушетии «Охрана и защита окружающей среды» (русский) // Постановление Правительства РИ от 29 октября 2014 года № 203 / Утвердил Председатель Правительства Республики Ингушетия А. М. Мальсагов. — 2014.