Малхбузера оакафорд
Малхбузе́ра оа́кафорд (ба) (эрс: Атлантический океан, ингал: Atlantic Ocean) — Лаьттан оакафорд. Доккхалага диллача Тийна оакафорда тӀехьа шоллагӀа моттиг лоaцаш ба. Из улл гӀинбухехьа Гренландени Исландени юкъе, малхбоалехьа Европаи Африкаи юкъе, малхбузехьа ГӀинбухера Америкаи ЗӀилбухера Америкаи юкъе, иштта Антарктидан зӀилбухехьа.
Малхбузерча оакафорда аре 91,6 млн км² я, цунах 16 % гаргга дӀалаьцай фордаши, форда ганаши, форда оасаши. Берда йистера фордий аре йоккха яц, ерригача хин тӀехен аре 1 %-ал дукхагӀа яц. Хин йоккхал 329,7 млн км³ я, из Дунен оакафорда 25 % йоккхала нийса да. Юкъера кӀоаргал — 3736 м, эггара йоккхагӀа кӀоаргал — 8742 м (Пуэрто-Рико теӀа моттиг). Шера юкъера оакафорда хин дирал 35 ‰ гаргга я. Малхбузера оакафорд чӀоагӀа чуи-ареи иха бердан така йолаш ба, фордашцеи фордай ганашцеи екъалу цун хин тӀехе.
Географи
тоадеМалхбузера оакафорда йоккхала шоллагӀа ба. Цун майда 91,66 миллион км² я, хин боарам — 329,66 миллион км³ я. Из баьржа улл субарктически шоралашкара Антарктидага кхаччалца[1]. ХӀиндий океанаца гӀай (доазув) дод Игольни бухьишка (20° м.й.) тӀа гӀолла Антарктида бердйист кхаччалца.
| Оакафордаш | Хин тӀехен майда, млн.км² |
Йоаккхал, млн.км³ |
Юкъера кӀоаргал, м |
Эггара йоккхагӀа оакафорда кӀоаргал, м |
|---|---|---|---|---|
| Малхбузера | 91,66 | 329,66 | 3736 | Пуэрто-Рико таьӀа моттиг (8742) |
| ХӀиндий | 76,17 | 282,65 | 3711 | Явана таьӀа моттиг (7209) |
| ГӀинбухера | 14,75 | 18,07 | 1225 | Гренланде форд (5527) |
| Тийна | 178,68 | 710,36 | 3976 | Мариана таьӀа моттиг (11 022) |
| Дунен | 361,26 | 1340,74 | 3711 | 11 022 |
ТӀатовжамаш
тоаде- «Малхбузера океан» БЕЭС тӀа (эрс.)
- Энциклопедия «Кругосвет» (эрс.)