Ло:Укх дийнахьа хиннар:03-26

• 1921 — ГӀалгӀай округа советий кхетаче болх бе йолаеннай, болх баьб бекарга бетта 1 ди кхаччалца. Цу кхетаче хиннав ГӀалгӀайчен 28 юртара викал, исполкома тхьамада хержа хиннав Заьзганаькъан Идрис (сурта тӀа). Иштта а исполкоме юкъебахаб Горчханнаькъан Ӏаьла а, Малсагнаькъан Иналук а, Албохчнаькъан Юсуп а, Аьлданаькъан Султан а, кхы бараш а.
• 1989 — юххьашха хиннад СССР-а халкъа каьй демократе тайпах харжар. ГӀалгӀашта юкъера СССР-а халкъа каьй хургболаш хержар Фаьргнаькъан Ахьмада Хьамзати Дарсигнаькъан Юсупа Муссаи.
• 1990 — шоай паччахьалкхе юхаметтаоттае аьнна гӀалгӀай халкъо хьачутийна арзашка хьажар духьа СССР Лакхерча Совето вӀашагӀъеллай Къамий Совета Комисси. Комиссен тхьамада хиннав – СССР Халкъа каь А. Беляков. Из гӀулакх тахка даьлча Комиссе соцам бир «хьалхагӀа Нохч-ГӀалгӀай АССР-а доазонна юкъе хинна ГӀалме шахьар а, кхыдола лаьтташ а, 1944 шера хьалха хиннача доазонашца юхаметтаоттаде аьнна гӀалгӀай халкъо дӀадéхар кӀийле йолаш а да, РСФСР Лакхерча Совето тохкаргдолаш а да».
• 2019 — массайтта итт эзар саг вӀашагӀкхийттар Магасе гӀалгӀай къам республика Ӏаьдала раьза доацилга дӀахайтара духьа (сурта тӀа).