КӀо

КӀо (ба) (эрс: кукурузная каша) — гӀоргӀа Ӏехьача хьажкӀах деш дола гӀалгӀай даар.

КӀо
Кийчбаь кӀо
Компоненташ
Керттера	хьажкӀа, хий
ДӀатоха мегаш яраш	тух, налх, маша даьтта, шура
Медиафайлаш Викиларма чу

КӀо бахар

КӀо кийчабергболаш хьажкӀаца цул хьалхагӀа де мел дезачох «кӀо ба́хар» оал.

ХьажкӀа кхаьчача, гӀадамаш тӀара из хьа а йоахаш чуэц. Чуийца хьажкӀа бетта чура йоаккх. Бетта чура яьккха хьажкӀа (тӀера «лордаш» Ӏояьха хьажкӀа) йокъаю. Йокъаяь хьажкӀа фуалъйоаккх. ХьажкӀа фуалъяьккхарца цох туми фийгаши хьадувл. ХьажкӀай фийгаш хьайре Ӏохь. КӀо хьабеш хилча гӀоргӀа Ӏохь из — Ӏохьача оатхалага сов низ ца байташ. ХьажкӀа Ӏохьаш цох жувр хьабоал. Из жувр ловс. Жувр лайсача, чилла хьисапе болча жуврах ишк хьакъаст. Ишк яхар жувр лайсача юхе мел йиса́р я. ТӀаккха ишк е́гаю. Ишках е́гаеча хана тӀера яйга тувхараш (тумах йиса хинна хӀамаш) дӀайолх, хӀаьта дезагӀа дола да́къилгаш (гӀоргӀа аьхьа жувр) кӀалхахьа дус. Из гӀоргӀа Ӏехьа жувр кхехкабича кӀо хьахул. Худар ала йиш яц цох, кӀо мара. КӀо ча́ма́ чӀоагӀа кӀаьда хул.