ГӀалгӀай Республика паччахьалкxен гимн, иштта ГӀалгӀай гимн (эрс: Государственный гимн Республики Ингушетии, Гимн Ингушетии) — ГӀалгӀайчен паччахьалкхен даздарашта юкъейоагӀа элемент. Гимн тӀаийцай 1993 шера Маьцхали 27 дийнахьа дерригача къамо кхаж а тоссаш[1]. Гимна дешаш яздаьр Чуранаькъан Рамзан ва.
ГӀалгӀайчен гимн
| Текст
|
- Лоамий мехка хозагӀа дола дакъа
- ДӀа а лаьца улл хьо, ГӀалгӀайче,
- Курра йолаш никъ хьо хьай дӀахо
- Дуне мел латт яха хьо, ГӀалгӀайче.
- АллахӀ — Даьла, низ ба ГӀалгӀайченна,
- Везан — Даьла, йоахае ГӀалгӀайче.
- Лаьтта даттӀал йоккха я човнаш,
- МоастагӀаша хьа дегӀа яьраш.
- Эздий хилба хьа керахьа къонгаш,
- ЧӀир леха, бохабе гӀаьраш.
- АллахӀ — Даьла, низ ба ГӀалгӀайченна,
- ЧӀир леха низ ба ГӀалгӀайченна.
- Дунен чухьа лехаргьяц атто,
- Деза вайна хьагӀ йоаца вахар.
- Лаьтта оахаш дахаргда лаьтта,
- Низ кхоаче из лаьтта аха.
- АллахӀ — Даьла, низ ба ГӀалгӀайченна,
- Лаьтта аха низ ба ГӀалгӀайченна.
- Бокъонга сатувс хьа уйлаша,
- Дог, тов мо, леталу хьа чӀоагӀа
- Тха Даьхе, хьо массаза хийла
- Кортамукъа, дех Даьлага оаха.
- АллахӀ — Даьла, низ ба ГӀалгӀайченна,
- Кортамукъа халлийта ГӀалгӀайче!
|
