Бело́каш (протеи́наш, полипепти́даш[1]) — аминоцӀалхаех латташ йола, пептидий бувзамца хетта а йола лакха молекулярни органикай хӀамаш. Дийнача организмашка белокий лоаттам генетикай кодашка хьежжа хул. Белокаш вӀашагӀъехкача хана дукхагӀча хана ткъаь аминоцӀалхий тайпа тоъ.

Оагилгашка белокаша леладу балхаш дуккха дукхагӀа да кхыча биополимераша дечул — полисахаридашеи ДНЦӀ-аси. Ишта белокаша-ферменташа биохиме реакцеш сихъю, из бахьан долаш хӀамаш хувцаяларгахьа лоадам бола да́къа лоац. Цхьайолча белокаша механикай балхаш а леладу, оагилгий дегӀ чӀоагӀдеш болча го́ма даькъе а йолхаш. Иштта, белокаша керттера амал ловзаду иммунитето жоп луш сигнал дӀа-хьа кхачийтаргахьеи оагилга циклагахьеи.

Белокаш дийнатий (адамий а) кхачан лоадаме дакъа да. ДукхагӀа цу дийнаташца хоттаденна долча даарашка йоалл белок: дулха чу, чкъаьра чу, шура чу, иштта бӀарашкеи, кхешкеи. Йиа йола белокаш кхача Ӏохьача хана ферменташа аминоцӀалхаех е́къ (ший белокаш хьаяр гӀоне) е кхы а чӀоагӀагӀа йохаю (хьинар даккхар гӀоне).

Хьажа ишттаТоаде

БелгалдаккхарТоаде

  1. С химической точки зрения все белки являются полипептидами. Однако короткие, меньше 30 аминокислотных остатков в длину полипептиды, особенно химически синтезированные, нельзя назвать белками.

ЛитератураТоаде

  • Альбертс Б., Брей Д., Льюис Дж. и др. Молекулярная биология клетки. В 3 томах. — М.: Мир, 1994. — ISBN 5-03-001986-3.
  • Ленинджер А. Основы биохимии. В 3 томах. — М.: Мир, 1985.
  • Страйер Л. Биохимия. В 3 томах. — М.: Мир, 1984.

ТIатовжамашТоаде