Аьхарте
А́ьхарте́ (я) е Аьхартди (да) (Ӏар. الآخرة — чаккхе, тӀеххьара, хургдола вахар), маӀад — бусулба дингахьа цаӀ мара йоаца дилла́ хургйола Ӏел. Аьхарте мара лоадам болаш хила йиш яц бусулба сага́. Цу дешаца укх дунен чаккхенах а цӀи йоах, валара́ тӀехьа хургдолча даим долча ва́харах а цӀи йоах.
Аьхартди латт зӀамигачеи йоккхачеи дунен чаккхенех. ЗӀамига чаккхе валар да. Йоккхача Дунен Чаккхенах да Къемат дии, ялсмалеи, жожагӀатеи. Йоккха Дунен Чаккхе яхар Исрафил малайко хьалхарчеи шолагӀчеи су́ра чу фо тахара юкъера юкъ я[1].
Этимологи
тоадеАьхарте яхар гӀалгӀай метта Ӏарбий «а́хирахӀ» яхача дешагара доагӀ. Ӏарбаша аьхартенах «يَوْمُ الْآخِرَة» оал, цун маӀан «тӀеххьара ди» аьнна оттаде йиш я.
Аьхартеи ер дунеи
тоадеАьхарте укх дуненна, дунен ва́хара́ духьалъувттаду. Аьхартенах иштта аль-маӀад оал. Мухьаммад Пайхамара, Даьлера салот-салам хилда цунна, массаза дунен ва́харца аьхарте юсташ хиннай, дунен ва́хар аьхартенга дехкаш. Мел даьчох бекхам бала безаргболча дуненах тӀахьехаш хиннав из. Бусулба дингахьа аьхартенах бола кхетам харц дуне (хӀанзардар) бакъ дуненна духьал а увттадарца боагӀ (ялсмаленах, жожагӀатенах, дийнавергхиларах, Кхела денах болча кхетамца цхьана)[2].
Белгалдаккхар
тоаде- ↑ Фонд Ихлас.
- ↑ Ислам: ЭС, 1991, оа. 27.
ТӀатовжамаш
тоаде- Пиотровский М.Б. ал-Ахира // Ислам: энциклопедический словарь / Отв. ред. С. М. Прозоров. — М. : Наука, ГРВЛ, 1991. — С. 27. — 315 с. — 50 000 экз. — ISBN 5-02-016941-2.
- Судный день и вера в последующую вечную жизнь (Ахира). Фонд Ихлас. ТӀеххьара техка хиннад укх дийнахьа: 18.06.2013. Архиве оттадаьд хьалхара хьаста чура укх дийнахьа: 18.06.2013.Архиве диллад 2022 шера аьтинга 10 дийнахьа.