Албохчанаькъан Исраила Зайнап
Албо́хчанаькъан Исраила Зайнап (эрс: Албогачиева Зейнап Исраиловна) ― гӀалгӀай йоазонхо, оазархо; ГӀалгӀай йоазонхой юкъарлон доакъашхо.
| Албо́хчанаькъан Исраьила За́йнап | |
|---|---|
| эрс: Албогачиева Зайнап Исраиловна | |
| Ваь таьрахь | 8 маьцхали 1964 (60 шу) |
| Ваь моттиг | Экажакъонгий-Юрт, Нохч-ГӀалгӀай АССР |
| БӀорахол |
 СССР →  Россе Федераци |
| Леладу гӀулакх | |
| Дебют | 1981 шу, «Ленина никъ» газета тӀара байташ |
| СовгӀаташ | ГӀалгӀай мехка 30 шу дузаш енна майдилг |
Биографи
тоадеАлбохчанаькъан Зайнап яьй 1964-ча шера маьцхали бетта 8-ча дийнахьа Экажакъонгий-Юрта, Нохч-ГӀалгӀай АССР-е. ЗӀамига йолча хана денз нана йоацаш хьалкхийнай. 1971-ча шера, ялх шу даьнна йолча хана, духхьашха деша яхай Экажакъонгий-Юртарча № 1 йолча ишколе. Из Зайнапа йистеяьккхай 1981-ча шера. 1984-ча шера деша эттай Коста Хетагурова цӀерагӀа йолча ХӀирий паччахьалкхен университете. Ишкол яьккхачул тӀехьагӀа ше деша яьгӀача ишколе болх баьб цо. 1990-ча шера йистеяьккхай университет. 1991—2002 шерашка Зайнапа болх баьб «Наьсарен оаз» яхача газета редакце, цул тӀехьагӀа — «Сердало» газете[1][2].
Дезал
тоаде1991-ча шера денз Экажакъонгий-Юртарча маьждига хьалхара имам хиннача Исмейланаькъан Ӏабдул-Хьамида воӀага Ӏабдурахьманага маьре я. Дезалхоех цар виъ воӀи ши йоӀи да[2].
Кхоллам
тоадеЗайнапа ший хьалхара байт язъяьй 1981-ча шера. Из кепатеха ӀотӀаяьккха хиннай «Ленина никъ» яхача газета тӀа. Цул совгӀа цун байташ, дувцараш, пьесаш кепаетташ арадийлар «Сердало» яхача газета тӀа, «СелаӀад», «Лоаман Ӏуйре», «Литературни ГӀалгӀайче» яхача тептараш тӀа. Дехьа а сехьа а кепайийтта байташ а дувцараш а доацаш, Зайнапа дакъа а лоацаш 7 гуллам арадаьннад, цул совгӀа «Дуненна сердал лур», «Безама низ» яха ший ши книжка а арадаьккхад Зайнапа. 2005-ча шера арадаьннад «Ираза никъ» яхача романа дакъа[2].
ГӀалгӀай мехка хӀара шера хулача «Дошо къоалам» яхача къонача йоазонхой яхьашка дакъа лийцад Зайнапа. Иштта 2001-гӀча шера хиннача яхье «поэзи» яхача номинацех кхоалагӀа моттиг яьккхар цо. 2002-ча шера прозах хиннача яхье шоллагӀа моттига яьккхар. ХӀаьта 2003-ча шера поэзе номинацех хьалхара моттиг а, лауреата цӀи а ялар Зайнапа[2].
Белгалдаккхар
тоаде- ↑ Патиев, 2022, оа. 111.
- ↑ 2,0 2,1 2,2 2,3 Матенаькъан, 2019.
ТӀатовжамаш
тоаде- Матенаькъан Илез. Безамца дуне кхолларгдар цо (inh) // Сердало : газет. — 2019. — маьцхали 10 дийнахьа (№ 117—118 (12252-253)). — С. 3.
Литература
тоаде- Патиев Я. Писатели Ингушетии / Сост. проф. И. А. Патиев. — Ростов-на-Дону : ООО «Южный издательский дом», 2022. — 111 с.