Дола-Ковна шахьар
Дола-Ковна шахьар (эрс: Пседахский район), 1944—1955 шерашка Аланой шахьар (эрс: Аланский район) — 1935—1955 шерашка юххьанцара ГӀалгӀай, тӀаккха Нохч-ГӀалгӀай автономе областа а, тӀехьагӀа Нохч-ГӀалгӀай АССР а, 1944—1955 шш. ГӀинбухера ХӀирий АССР а доалахьа хинна административни-лаьттан да́къа. Административни юкъ — Дола-Коа (1944 шера денз — Аланой-Юрт).
| Шахьар | |
| Дола-Ковна шахьар | |
|---|---|
| 43°27′ с. ш. 44°34′ в. д.HGЯO | |
| Паччахьалкхе |
 СССР |
| ЮкъейоагӀ | ГӀалгӀай АО, Нохч-ГӀалгӀай АО, Нохч-ГӀалгӀай АССР, ГӀинбухера ХӀирий АССР |
| Шийна чулоац | 4 нах баха моттиг |
| Админ. юкъ | Дола-Коа, Аланой-Юрт (Аланское) |
| Тархьари географии | |
| Хьаяь таьрахь | 1926—1955 |
| Лаьтта | 300 км² |
| Охлой | |
| Охлой | 6657 саг (1939) |
Бахархой
тоаде1939 шера хьисап деш нах дӀаязбеча хана Дола-Ковна шахьаре вахаш 6657 саг хиннав, царех гӀалгӀай — 61,2 %, нохчий — 28,5 %, эрсий — 5,4 %[1].
Тархьар
тоадеДола-Ковна гом 1926 шера Муттхьов 2 дийнахьа ГӀалгӀай АО лоаттаме вӀашагӀбелла хиннаб. 1931 шера сентябрь 30 дийнахьа цу гомах Дола-Ковна шахьар хьаяьй.
1934 шера ГӀалгӀайи Нохчийи автономе областаш вӀашагӀтеха керда хьахиннача Нохч-ГӀалгӀай АО юкъеяхай. 1936 шера наджгоанцхой бетта 23 дийнахьа шахьар дӀа а яьккха, саькура 25 дийнахьа меттаоттаяь хиннай. 1936 шера Чантар 5 дийнахьа Нохч-ГӀалгӀай АССР-ах дӀатехай.
1940 шера 4 сельсовет хиннай: цхьоалагӀа Къаскима, шоллагӀа Къаскима, Дола-Ковна, СоагӀапчен. 1944 шера Муттхьов 7 дийнахьа Нохч-ГӀалгӀай АССР дӀа ма яьккханге, Дола-Ковна шахьар ГӀинбухерча ХӀирийчен АССР-а́ дӀа а енна, цунах Аланой шахьар хьа а яь (цига баьхараш аланой хиларга хьежжа), 4 сельсовета керда цӀераш техкай (1945 шера дарех): Советски, Хурыкау, Аланой, Ногцарда.
1955 шера сентябрь 20-ча дийнахьа Аланой шахьар дӀа а яьккха, цун лаьтта МоагӀалбиках дӀатехад[2][3].
Белгалдаккхар
тоаде- ↑ Всесоюзная перепись населения 1939 года. Национальный состав населения районов, городов и крупных сёл РСФСР (эрс.). www.demoscope.ru (тӀакхача вӀаштехьа доаца тӀатовжам — тархьар). ТӀеххьара техка хиннад укх дийнахьа: 15.11.2021.
- ↑ Краткая историческая справка об административно-территориальном делении Чечено-Ингушетии (тӀакхача вӀаштехьа доаца тӀатовжам — тархьар). Архиве оттадаьд хьалхара хьаста чура укх дийнахьа: 8.11.2018. Архиве диллад 2018 шера лайчилла 8 дийнахьа.
- ↑ Государственный архив Республики Ингушетия (эрс.). ingarchive.ru (тӀакхача вӀаштехьа доаца тӀатовжам — тархьар). ТӀеххьара техка хиннад укх дийнахьа: 15.11.2021. Архиве диллад 2022 шера наджгоанцхой 24 дийнахьа.