Юле ханорг
Юле́ ха́норг (эрс: Юлиа́нский календа́рь) — Александриерча седкъаӀилманхой тоабано оттадаь дола ханорг да, Созиген яха Ӏилманхо керте волаш. Ханорга цӀи Юлий Цезара хьамара тилла я. Цезара амарца тӀаийца хиннад из ханорг Рума импере 45 шера вай замал хьалха. Юле ханоргах шу дӀадолалу наджгоанцхой бетта 1-гӀча дийнахьа, хӀана аьлча, цу дийнахьа 153 шера денз вай замал хьалха комицеша хержа бола консулаш шоай даржашта дӀатӀаболхаш хиннаб.
Юле ханоргаца дӀахувцаденна хиннад къаьнара рума ханорг. Эллиной Мисарен седкъаӀилман культура тӀа бух болаш леладеш хиннад из ханорг.
Киевски Эрсече хиннача замалахьа цу ханоргах яьхад: «Миротворный круг», «Церковный круг», «индикт», «Великий индиктион»[1]. ХӀанзарча Эрсече юле ханоргах дукхагӀа йолча хана къаьнара стиль аьнна оал. ХӀаьта, керда стилегахьа (григоре ханоргахьа) дехьабовлар вӀаштедаьккхад 1918 шера саькура бетта 14-гӀча дийнахьа. Ленина кулг яздаь, РСФСР Совнаркома декретаца тӀаийца хиннад из 1918 шера наджгоанцхой бетта 26-гӀча дийнахьа.
Белгалдаьккхар
тоаде- ↑ А. Н. Зелинский. Конструктивные принципы древнерусского календаря Архиве диллад 2012 шера наджгоанцхой 5 дийнахьа. // Контекст. М., 1978. С. 62—135.
Литература
тоаде- Календарь // Брокгаузеи Ефронеи энциклопеден дошлорг : 86 томах латт (82 томи 4 тӀатохари). — СПб., 1890—1907.