Теша (байт)

Те́ша  — Янданаькъан Жамалдас язъяь байт. Кепатехай 1976 шера арахийцача «Хержараш» яхача оазархочун байтий сборника чу.

Теша

БӀаргашка хий эттача, дог чӀехко хургда Ӏа,
Со тӀем тӀа вода аьнна хезача,
Дего бала бетташ, бӀарг леша хургба хьа
Со воацаш, хьo цхьаьккха йисача.

Дега чу ша белла, бӀарг лешо эшац хьона,
Со моастагӀашта духьал вахав аьлча,
Ӏаьржа таьзет дилла када езац хьона,
Со Даьхен тӀем тӀа вийнав аьлча.

Со воагӀаргва хьона, теша, теша,
БӀайхача безамца ваха воагӀаргва хьона.
Зовзача маьраца дилла яхачул, - теша,
Къонахчун цӀи лелайича сийлехьа я хьона.

1976 шу

ТӀатовжамаш

• Яндиев Дж. Х. Хержараш / Дахкилганаькъан ИбрахӀима дешхьалхе. — Грозный: Чечено-Ингушское книжное издательство, 1976. — 240 с.