ДегтӀений фибрилляци
ДегтӀе́ний фибрилля́ци (я) (эрс: Фибрилляция предсердий), иштта ле́па дега харцгарт(эрс: мерцательная аритмия) — дега оагилгел лакхахьа хула лазарца дувзаденна дола гарт харцда́лар, е нийсагӀа аьлча сиха харцгарт оттар. Эггара чӀоагӀагӀа даьржача харцгартех лоархӀ дегтӀений фибрилляци[1]. ДегтӀ́ений фибрилляци хилча, дегтӀенаш хӀара минота́ 350—700-зза тохалуш хила йиш я. Харцахьа-бакъахьа, гартах доацаш детталуш хул дог, цудухьа цун маза бола дулх барт болаш, цхьана вӀашагӀкхийтта́ болх бе аьттув болаш хилац[2]. Ле́па харцгарт пха бустача ха́на гучада́ла йиш йолаш да, нагахьа санна пха тайп-тайпара юкъ йолаш бетталулга зийча. ХӀаьта диагноз я аьнна хоадам ЭКГ фу йоах хьежжа мара оттайиц: сага дегтӀений фибрилляци хилча, P кхаллингаш дӀайоалл, дегтӀенашка электрически хьинар хилча мара дӀаювлац уж. Царна когаметта дуккха f талгӀеш хул, цар гойт дегтӀений фибрилляци (ле́пар, э́гар) йолга.
Белгалдаккхар
тоаде- ↑ Wyndham CRC. Atrial Fibrillation: The Most Common Arrhythmia (und) // Texas Heart Institute Journal. — 2000. — Т. 27, № 3. — С. 257—267. — PMID 11093410. — Ло:PMC.
- ↑ А. В. Струтынский. Электрокардиограмма. Анализ и интерпретация. — М: МЕДпресс-информ, 2009. — С. 120—123. — 224 с. — 10 000 экз. — ISBN 5-98322-542-1.