Ло:Укх дийнахьа хиннар:04-1

• 1921 — бӀарчча кӀирá болх а баь йистеяьлар ГӀалгӀай округа советий кхетаче. Цу кхетаче дáкъа лоацаш хиннав 28 гӀалгӀай юртара викал, исполкома тхьамада хержá хиннав Заьзганаькъан Идрис (сурта тӀа). Иштта а исполкоме юкъебахáбар Горчханнаькъан Ӏаьла а, Малсагнаькъан Иналук а, Албохчнаькъан Юсуп а, Аьлданаькъан Султан а, кхы бараш а. Кхетачéно иштта тӀаийцар Лоаман Республика кхоллар.
• 1949 — СССР МВД дагардаьчох ГӀазакхстанеи ГӀиргӀизстанеи 335 173 саг ва гӀалгӀайи нохчийи къаман лаьрххӀа бáха Ӏоховшабаь. 1944 шера Саь-кур 29 дийнахьа хиннар лаьрхӀача Ӏобигá бар 470 449 гӀалгӀаи нохчеи. Цунах хов, нах мехках боахаш а баьхачул тӀехьагӀа а, 5 (пхин) шерá, гӀалгӀайи нохчийи 135 276 сагах кӀезигбенналга.
• 1993 — ГӀалгӀайчен Мехкдаь № 18 йола распоряженеца вӀашагӀъеллай Шоаш бáхача меттигашкара байдда бахачáрийи низагӀа баха бийзачáрийи гӀулакхий хьáкъехьа йола паччахьалкхен комитет.
• 1993 — Россе Федерацен унахцӀено лораяра министра № 60 йолча амарца хьайийлай ГӀалгӀай лорий училище.