Кхоартой Мажита Мурат
Кхоартой Мажи́та Мура́д (эрс: Картоев Мурат Мажитович) — гӀалгӀай йоазонхо, хоамбоаржабархо, СССР-а хоамбоаржабархой юкъарлон доакъашхо, Россе хоамбоаржабархой юкъарлон доакъашхо, Нохч-ГӀалгӀайи, ГӀалгӀайи йоазонхой юкъарлоний доакъашхо ва[1].
| Кхоартой Мажита Мурад | |
|---|---|
| эрс: Картоев Мурат Мажитович | |
| Ваь таьрахь | 19 кӀимарса 1950 |
| Ваь моттиг | Павлодара область |
| Кхелха таьрахь | 29 тушола 2019 (68 шу) |
| БӀорахол |
 СССР →  Россе Федераци |
| Леладу гӀулакх | |
| Кхолламаш даь шераш | 1962-2019 |
| Кхолламий мотт | эрсий, гӀалгӀай |
| Премеш |
«ТӀема сийлен гӀала тӀара, МагӀалбикера, сийлахьа вахархо» яха цӀи Нохч-ГӀалгӀайчен А. Шерипова цӀерагӀа йола преми |
Биографи
тоадеКхоартой Мажит ваьв 1950-ча шера кӀимарса бетта 19-ча дийнахьа ГӀазакхстане Павлодара областе Даниловка яхача юрта. Кхойтта шу Сибаре даьккха, 1956-ча шера из цӀавенав гӀалгӀай мехка, ваха хайнав Нохч-ГӀалгӀай АССР-а МагӀалбика шахьаре Инаркъе. 1975-ча шера цо йистеяьккхай Нохч-ГӀалгӀай паччахьалкхен университета филологе факультет.
Болх
тоадеДӀахо болх беш хиннав гӀалгӀай меттеи литературани хьехархо волаш Инаркъерчеи МагӀалбикерчеи ишколашка. 1985—1990, 1996—2000 шерашка Кхоартой Мажита болх баьб «Сердало» газета редакце корреспонденталла а, отдела кулгалхо волаш а, кертерча редактора когаметтаоттар волаш а. 2000-ча шера лайчилла бетта денз цо болх баьб «Народное слово» яхача МагӀалбикарча газете отдела редактор волаш. 2010-ча шера денз из хиннав «МагӀалбика хоамаш» яхача газета корреспондент. Мурад СССР а, Россе а, Нохч-ГӀалгӀай а, ГӀалгӀай а хоамбоаржабархой юкъарлонашта юкъе хиннав[1].
Кхоллам
тоадеКхоартой Мурад йоазонцара болх бе волавеннав 1962-ча шера[2]. Цун хьалхара байтий гуллам арабаьлар Шолжа-ГӀала тӀа 1972-ча шера. Къона волча хана яздаьд цо «Дошо цIий» яха роман. Цул тӀехьагӀа арадаьннад «Казахстанские тетради», «Ковчег Нуха», «Кони», «Записки бедуина» яха дувцарий гулламаши, «Тени» яха романи. Цо арахийцад 20-нел совгӀа кинижка[1].
СовгӀаташ
тоаде2010-ча шера цунна ялар «ТӀема сийлен гӀала тӀара, МагӀалбикера, сийлахьа вахархо» яха цӀи. Мурад хиннав Нохч-ГӀалгӀай мехка А. Шерипова цӀерагӀа йолча преме лауреат.
Кхалхар
тоадеМурад кхелхав 2019-ча шера тушола бетта 29-ча дийнахьа, 69 шу даьнна волаш.
Белгалдаккхар
тоаде- ↑ 1,0 1,1 1,2 Редакция газеты «Сердало», 2019, оа. 8.
- ↑ Таргимов Х.Умер журналист и писатель, наш старший коллега Мурат Картоев / Сердало, 29.03.2019
Литература
тоадеТӀатовжамаш
тоадеРедакция газеты «Сердало». Картоев Мурат Мажитович // Сердало. — 2019. — апреля 2 дийнахьа (№ № 49 (12184)). — С. 8.