Оагилга тӀум

Оа́гилга тӀум (лат: nucleus, эрс: клеточное ядро) — гонахьа ши мембрана йоалла эукариотий оагилга маьже (прокариоташка тӀум яц). ДукхагӀча даькъе эукариотий оагилгашка цхьа тӀум хул, бакъда цхьаццачарга, хьо́кхама́ дакхадийнатий эритроциташка тӀум яц, хӀаьта кхычарга масайтта я.

Оагилг. ДНЦӀ-ах сийна басардаьд Hoechst. Юкъераи аьттаи оагилг интерфазе да (цар ерригача тӀума́ басардаьд). Аьрдача оагилгагахьа митоз йода, цун ДНЦӀ тоӀаяь я, цунга хьежжа цун тӀум еррига басардаь яц

Оагилга дукхагӀа мел йола генетикай материал тӀума чу йоалл — хромосомаш. Хромосомашка йоахкача генаех геном латт.