Каьхата пандар

Каьхата па́ндар — тайп-тайпара кепаш йолча мукъама кечалий (локхаргий) гӀалгӀай цӀи. Эрсий меттала цу массехк тайпара йолча локхаргий цхьа юкъара цӀи я — «ручные гармоники», бакъда наха юкъе цар эггара дӀа-хьа яьржа йола цӀераш я: «гармонь», «гармошка». ГӀалгӀаша каьхата пандарах каст-кастта «каьхата» дош дита а дите «пандар» оал. Цхьабакъда, «пандар» къаьстта йола гӀалгӀай локхарг я.