Дега-миай система
Дега-миай система (я) (эрс: сердéчно-сосу́дистая систéма) — дийнатий а сага а организма чу цӀий кхестар Ӏалашдеш йола маьжений система. Дега-миай системай керттерча балхех да маьженашкеи кӀадашкеи кислород а, вешта органикай хӀамаш а кхухьаш уж кхабари, цунца цхьана кӀор-миста гази метаболизма кхыдола сурсаташи дӀаийцари.
Дега-миай система къайлаи къовланзеи хул. Сага дега-миай система дерригача БукъатӀехк йолча дийнатий санна къайла я.
Дега-миай система тӀа, цӀий кхестарал совнагӀа, кхы а маьженашкареи кӀадашкареи лимфа хьаялар а ӀотӀакхет. Лимфа лимфан миашкеи, оъашкеи лимфан системай протокашкеи гӀолла йо́д, тӀаккха пхаьний системах кхет динбехка пхаьнаш хотталуча метте.
Дега-миай система юкъе керттера ши да́къа белгалдаккха йиш я: миаши доги. Дего цӀий цхьан метте ца латтийташ, из хьа чу а озаш миашка арадетт, тӀаккха миашка гӀолла из цӀий маьженашкеи кӀадашкеи дӀа а кхоач, дог долча юха а доагӀ.