Хоамбоаржабархо

Хоамбаржабархо, е журналист (эрс: Журналист) — ший гӀулакха́ е баьржача хоама гӀирса редакце чу дӀачулургболаш хоам гулбеш, кхоллаш, тоабеш, кийчбеш вола литература болхло.

Хоамбоаржабархочо интервью эц

Хоамбоаржабархочун бокъонаши декхараши

Хоамбоаржабархой дукха бокъонаши декхараши да. Уж дерригаш белгалдаьха да пресса а, радио а, телевидене а дер нийса хулийташ долча законашка.

Хоамбоаржабархочун бокъонаш

• лоӀаме (мукъа бола) хоам лахари, из хьаэцари, цунах пайда эцари, из дӀабилла улбари, боаржабари (кепатохар).
• паччахьалкхен Ӏаьдала маьженашка а, меттигерча шедоалдара маьженашка а, иштта предприятешка а, организацешка а, учрежденешка а ахари, цигарча хьакимашка тӀаийца́ хила йиш йолаш хилари;
• законо могадеш долча техникай гӀирсех пайда а эцаш, къувла ца дезаш йоазонаш де йиш хилар, ;
• статистикай, архивий, библиотекай, музеяй дарашка атта тӀакхача йиш хилар;
• тӀакха́чара́ бийла болча хоамага кхача хьалхале хилар;
• официальнича каьхаташка кхоачаш маьхаза хоаттамаш (эрс: запросы) де йиш хилар;
• редакцера удостоверени е баьржача хоама гӀирса кепаеттача моттигера из хилар бакъдеш дола моллагӀа каьхат дӀахьокхарца чрезвичайни хьал дӀакхайкадаь йолча Ӏалам корзагӀдаьннача метте а, катастрофаш а, авареш а хиннача метте а, бӀынашка а кхыча гулламашка а хила йиш хилар;
• хьакхаьча дола хоамаш бакъ да-дац тохкаргдолаш говзанчашка кхайкар;
• шоаш кийчдаь дола балхаш шоай цӀераца, харццӀераца е цӀи ца йоаккхаш доаржаде йиш хилар;
• редакце тоадаьчул тӀехьагӀа хоамбоаржабархочун уйлашта духьале йолаш хӀама хилча, ший цӀи йоакххаг материал кепаторах ва́ла йиш хилар;
• язъяр малав ца хайтара́и, хьасташ гуча ца бахара́и бокъо хилар, нагахьа санна кхело оттадарца уж къайленаш на́халъяьха́ еце.

Хоамбоаржабархочун декхараш

• кепатоха Ӏобулаш бола хоам объективни а бакъ а хилар;
• хьакхаьча хоам тайп-тайпарча хьасташка тахкар;
• саг сийзваккха (кӀезигве) мегаш дола хӀама яздарах е къодамаш дарах лоравалар;
• долчунца вӀашка ца доагӀа дешаш бакъъяь йолча факташца харц йолга дӀагойта;
• шоай авторствох е авторствой къайленах хоам луш болча наьха дехараш чакхдаккхар;
• тоадархочо (керттерча тоадархочо) тӀадиллар кхоачаш ца деш дитар, нагахьа санна из закона^{[таржам де деза]} духьале а еш мара хьаделуш деце;
• тоадархочун (редакце) удостоверени е кепаеттача боаржабеча хоама гӀирсашта ше тӀаязвеш дола кхыдола каьхат дӀахьокхар а, ше малав дӀаалар а;
• шоашта пайда бар духьа (коммерцен Ӏалашо йолаш) продукт е услуга^{[таржам де деза]} еш болчарех рекламай хоам боаржа ца бар (цун цӀай, бувзама телефон, банка чот).

ЦӀайнаши дагалоацама деноши

• Хоамбоаржабархочун ди (Украина)
• Шоай болх кхоачашбеш байнача хоамбоаржабархой дагалоацама ди.

Хьажа иштта

• Хоамбоаржабар
• Фега гӀолла дола хоамбоаржабар
• ТӀеман корреспондент
• Къамашта юкъера хоамбоаржабархой организаци

ТӀатовжамаш

• Fowler, Nathaniel Clark. (1913). The Handbook of Journalism: All about Newspaper Work.--Facts and Information of Vital Moment to the Journalist and to All who Would Enter this Calling. New York: Sully and Kleinteich.