ГӀалгӀайчен герб: оагӀон эршашта юкъера башхало

Боккхачеи зIамигачеи гомашта юкъе йоазув да: лакхехьа эрсий меттал - ГІалгІай Паччахьалкxе, лохехьа гІалгІай меттал - ГІалгІай Мохк.

ГІалгІай Паччахьалкxен герб кийчаю пхи бос болаш: кIай, сигала беса, баьццара, цIе, дошо беса-IажагIа. КIайча бесо белгалду ГІалгІайчен халкъа доаггIача тайпара уйлаши леладу гIулакхаши цIена хилар; сигала бесо - сигален, Хозмажа белгало; баьццарча бесо хьахьокх ГІалгІайчен Iалам, лаьттан беркати дIайийна хIама хьувкъаш хилари, хIаьта иштта Бусулба Дина белгало а я из; цIе бос - из дукхача шерашка гІалгІай халкъо дийна диса гIерташ лоаттабаьча къовсама белгало я; IажагIа бос - сагаи Iаламаи вахар луча маьлха бос ба.