ГӀалгӀай Республика Халкъа Гуллам

ГӀа́лгӀай Республика Ха́лкъа Гул́лам (ба) (эрс: Народное Собрание Республики Ингушетия) — ГӀа́лгӀай Мехка паччахьалкхен лакхера бокъокхоллара (представительни) маьже.

Тахан ГӀалгӀай Мехка Халкъа Гуллама 32 каь ва.

Тархьар

Хьалхарча ГӀалгӀай Мехка Парламента — Халкъа Гуллама хоржамаш хилар 1994 шера Саькур 27 динахьа. Халкъа Гуллама каь хила эттача 96 кандидатах хьахержав 27 саг. Царна юкъе: 21 гӀалгӀаи, 3 нохчои, 3 эрсеи. 3 кхалсаг а. Эггара зӀамагӀа волча каьн 29 шу хиннад, воккхагӀчун – 53 шу. Иштта царна юкъе хиннав 2 Ӏилмай доктор а.