ГӀайрен паччахьалкхе

ГӀайрен паччахьалкхе (я) — цхьан е дукхача гӀайренаш тӀа а уллаш, цхьаь цаӀ да́къа гӀа́раца хоттаденна а йоаца паччахьалкхе. ГӀайрен паччахьалкхенаш берда йистерча паччахьалкхенашцеи фордацара бердаш доацача паччахьалкхенашцеи юст.

ГӀайрен паччахьалкхенаши цар кодаши: баьццарча бесаца лаьтта тӀара гӀайнаш дараш хьекхад, сийначунца — цу тайпара гӀайнаш доацараш (белгалдаьхадац ГӀинбухерча Кипра Туркий Республика, Кука гӀайренаш, Ниуэ)

2010-ча шера́ 50 гӀайрен паччахьалкхе я йовзаш, цхьан даькъе тӀаийцараш лоархӀаш хилчеи (Чинхой Республика, ГӀинбухерча Кипра Туркий Республика), иштта кхыча мехкаца ассоциаце яь паччахьалкхенаш лоархӀаш хилчеи (Кука гӀайренаши Ниуэи — Кердача Зеландеца, Микронезе Федерацен Штаташи, Маршалла гӀайренаши, Палауи — ХАШаца). Царех 46 — Чинхой Республикаи, ГӀинбухерча Кипра Туркий Республикаи, Кука гӀайренаши Ниуэи мел йоацар — ООН-а доакъашхой ба.

Иштта Астрали яхаш паччахьалкхе я, ший къаьстта йолча гӀара тӀа уллаш йола. Цу хӀамо гӀайрен паччахьалкхений белгалонаш лу цунна.