Ви́рус (лат: virus — дохьаш) — алхха дийна йолча клеткаш чу я́хаш (юхахьахулаш) а йола, ше клеткаш йоахкаш йоацаш а йола, инфекционни агент я. Вирусаша моллагIча тайпара йола организмаш толхаю, бацовгIашкареи дийнаташкареи йо́ла а енна бактерешкеи архейшкеи кхаччалца (бактерий вирусех бактериофагаш оал). Цул совгIа Iилманхошта кораяьй кхыйола вирусаш йисте хилча мара репликаци еш йоаца вирусаш (царех вирусаш-сателлиташ оал).

Вирусаш
Rotavirus Reconstruction.jpg
Ротавирус
(электронни криомикроскопе оттадаьр теркалдеш компьютерца хьаяь йола реконструкци я)
Iилман классификаци
Халкъашта юкъера Iилман цIи

Viruses

АргIаш
81 вирусий дезала систематика белгалъяьккхаяц, хIанз йолаш йолча аргIашта юкъейоагIац уж[1]

1892 шера тхьамкий баьцовгIай бактереш йоаца патоген ювца ший статья Дмитрий Ивановскечо кепатехача дензи[2][3], 1898 шера Мартин Бейеринк яхачо тхьамкий мозаика вирус хьайийлача дензи[4] шоаш ма ярра тахка а тахка́ белгалъяьхай вирусий 6 эзар сов кеп[5], амма бакъда Iилманхоша бIаь миллион сов хила мег йоах уж[6]. Вирусаш кораяьй Лаьтта хIара экосистема чу, эггара дукхагIа йола биологе кепаш (формаш) я уж[7]. Вирусаш тохкаш микробиологе да́къа а дола вирусологи яха Iилма да.

Дийната́ е сага́ вирусни инфекце чуяьлча иммунитето жоп лу цунна (иммунный ответ), цо дIайоаккх лазар хьоадеш йола вирус. Иштта иммунитетагара жоп далийта йиш я, къаьстта цхьан вируса́ духьала йола иммунитет а йолча вакциний новкъосталца. Цхьабакъа, цхьайолча вирусий ( царна юкъе сага иммунодефицита вируса а (ВИЧ), вирус йола гепатит хьоадечун а) аьттув боалл цу иммунитето луш долча жопах кIалхаръювла, хронически у (лазар) а кхетийташ. Антибиотикаша цхьаккха а хIама диц вирусашта.

БелгалдаккхарТоаде

  1. Вирусий таксономи (ингл.) Халкъашта юкъера вирусий таксономе комитета (ICTV) мазаоагIона тIа. (Техкаб укх дийнахьа: 6 Тушол 2018).
  2. Дмитрий Гапон «Фильтрующиеся вирусы» открытие в гранях времени (ru) // Наука и жизнь. — 2015. — № 6. — С. 38—50.
  3. Дмитрий Гапон «Фильтрующиеся вирусы» открытие в гранях времени (ru) // Наука и жизнь. — 2015. — № 7. — С. 31—41.
  4. Dimmock, 2007, p. 4.
  5. Dimmock, 2007, p. 49.
  6. How many viruses on Earth?
  7. Edwards R. A., Rohwer F. Viral metagenomics // Nat. Rev. Microbiol. — 2005. — Т. 3, № 6. — С. 504—510. — DOI:10.1038/nrmicro1163. — PMID 15886693.