БӀаринг (ракетий комплекс)
- ластар Ракетацара герз
«БӀаринг » (я) (эрс: «Орешник») — юккъера гаьнал йола ракетий система я. Духхьашха пайда ийцаб 2024 шера лайчилла бетта 21-гӀча дийнахьа Днепропетровске «ЗӀилбухерча машенаш еча завода́» герз детташ[1]. Баллистически ракета тӀум йоацаш гиперъоазаца хьалхийца хиннай Украина́и НАТО мехкаштеи духьала, Брянски областа уж тӀалаташ лайчилла бетта 19-гӀча 2024 шера ATACMS ракеташ цар тохар бахьан долаши, иштта Брянскии Курскии областашта герз детташ лайчилла бетта 21-гӀча дийнахьа Storm Shadow а HIMARS а ракеташ цар тохар бахьан долаши[2].
Пайда эцар
тоаде«БӀаринг» ракетий системах толамца пайда эцарахи, 2024 шера лайчилла бетта 21-гӀча дийнахьа тӀема хьале из довхочунна тохарахи хоам бир Россен президента Владимир Путина[3]. Из ракета техай Украинай духьалъоттара-промышленни комплекса юкъе йоккхагӀчарех йолча объекта́ — «ЗӀилбухерча машенаш еча завода́»[4]. Россе паччахьалкхен мехкадас хьакхетадаьчох, «таханарча дийнахьа цу герза́ духьале е могаш цхьаккха гӀирс бац», хӀана аьлча «БӀаринг» ВСУ ракетий предприятенна тӀалетай 10 Ма́х сихалца (2,5-3 километр секунда́)[4]. «Южмаш» Украинас даьчох бекхам беш йохаяь хиннай: НАТО мога а даь, Украинас 2024 шера лайчилла бетта 19-гӀча дийнахьа Брянски областа́ тӀалаташ ATACMS ракеташ те́ха́ хиннай, цул тӀехьагӀа лайчилла бетта 21-гӀча дийнахьа Брянскии Курскии областашта Storm Shadow, HIMARS ракеташ йийттай.
Белгалдаккхар
тоаде- ↑ Путин рассказал об ударе баллистической ракетой «Орешник» по заводу в Днепре, Коммерсантъ (21 лайчилла 2024). Техкад укх дийнахьа: 21.11.2024.
- ↑ Силы ПВО отразили украинский удар ATACMS по Брянской области, РИА Новости (19.11.2024). Техкад укх дийнахьа: 19.11.2024.
- ↑ Путин сообщил об ударе баллистической ракетой по объекту на Украине, РБК (21.11.2024). Техкад укх дийнахьа: 22.11.2024.
- ↑ 4,0 4,1 Заявление Президента Российской Федерации, Президент России. Техкад укх дийнахьа: 21.11.2024.