Беканаькъан Султана Хьамзат
Бе́канаькъан Су́лтана Хьамза́т (эрс: Беков Хамзат Султанович; ваьв 1973 шера Баьцамеа 25 дийнахьа Наьсаре, НГӀАССР) — лор, оазархо, йоазонхо, композитор. Парижерча госпитало-университетий юкъарчений доктор-атташе яха статус йола лор ва.
| Бе́канаькъан Су́лтана Хьамза́т | |
|---|---|
| Ваь ха | 25 кӀимарса 1973 (51 шу) |
| Ваь моттиг | Наьсаре, НГӀАССР |
| Паччахьалкхе |
 СССР →  Россе Федераци →  Ференгий мохк |
| Альма-матер | Россе паччахьалкхен лорий университет |
Вахар
тоадеЗӀамига волча хана денз иллешцара гӀулакх дезаш, фаьренгий культураца чам болаш хиннав, ше лор хулилга сатувсаш а хиннав. 24 шу даьннача хана Москвера Пирогова цӀерагӀа йола эрсий паччахьалкхен лорий университет цӀеча дипломаца йоаккх. ДӀахо Фаьренгий къаьша оттаяьча къамашта юкъерча культурай конкурсе да́къа лоац фаьренгий меттала. ТӀаккха Париже вода говзал Ӏомаяйта эзар сага юкъе конкурсе да́къа ла́ца. Цига а чакхвоалл. Цигга Беканаькъанчо шерача профила лорал ду, ший болх Дарбанче-Университеташка лелабеш 10 шу совгӀа ха йоаккх дарбан гӀулакхи хьехари цхьан дӀахьош. Цхьацца шерашка лоархӀаме йолча Ваграм авеню тӀа (avenue de Wagram) частни болх лелабаьб ший ший кабинете. ТӀехьарча шерашка цхьан компане чу лор-эксперт волаш дукхача Фаьренгий мехка пхьанашкеи регионашкеи лийнав лорий учреждений белха овсарал алсамйоаккхаш. Хьамзата тӀадиллачох иштта дарбан ралсаш къамани европайи нормативах йолаяри, хургболча лорашка хьежари, тайп-тайпара лазараш дола унахой лелабари хиннад. Шийна тӀа мел дожадаьр лакхача дарже кхоачашдеш а хиннав. Балха-новкъосташкареи лорий учреждений администрацешкареи дукха баркал оала грамоташ ихад Хьамзата.
Цун Ӏилман балхаш къамашта юкъерча лорий тептарашка арадийнад, царна юкъера белггала да «Къавалара механизмаш», «Ауто-иммунни нейтропени».
2000-гӀа шераш долалуш Россе Дворяний Юкъарлен Регентий Гулламо (совета) соцам барца Беканаькъан Хьамза́та́ «Граф» яха титул еннай. 2010 шера Париже цун фаьренгий меттала дола дешарг арадоалл «L’itinéraire d’un ingouche» (Цхьан гӀалгӀачун никъ) яхаш. Цу шера «Retour à Bligny» яхача кино чу полоний цӀий доаллача ло́ра-мукъамхочун а́мал ловзаду ― Доктор Плавнер, цунца цхьана фаренгий актрисса я — Christine Brücher.
2016 шера Этинга бетта Париже хиннача фаьренгий оазарлен яхьашка толам ма баьккхинге, Хьамзата оазарий гуллама кепатох « Reflet», «Кизга юхатохар» аьнна цӀи а йолаш.
2014 шера Евкуранаькъан Юнус-Бека Хьамзата «Фаьренгийи ГӀалгӀайи мехкашта юкъера диношта юкъареи къамашта юкъареи гӀулакх дегӀадоалдарахи чӀоагӀдарахи» грамота еннай. 2017 шера Чантар бетта «ГӀалгӀай Республика кхелла 25 шу да́ларах йола юбилея лагпилг» еннай лоралеи, литературеи, оазарлени, мукъамеи баьча къахьегамах.
Белгалдаккхар
тоадеТӀатовжамаш
тоаде- Romantisme ingouche Архиве диллад 2018 шера оагӀой 7 дийнахьа.
- L’Itinéraire d’un Ingouche (тӀакхача вӀаштехьа доаца тӀатовжам)
- Асият Готчиаева. Хьамзатах лаьца ференгий меттара таржам (тӀакхача вӀаштехьа доаца тӀатовжам)